臥虎藏龍🐉-元朗極高質素鐵板燒🦞-上篇
.
1️⃣黑松露三文魚籽蒸蛋🥚
蒸蛋既時間掌握得非常好，蛋又香又嫩滑，配埋三文魚籽既鹹鮮同黑松露既濃香，令每一啖都口感豐富，淨係個蒸蛋都令我眼前一亮😍
.
2️⃣活北寄貝紫菜湯
紫菜同高湯放係北寄貝既殼上滾兩滾，再加入炒香既北寄貝肉，北寄貝不用多調味已經食到鮮甜，而且肉質彈牙，食完肉飲埋個紫菜湯，完美！💋
.
3️⃣烏魚子炒象拔蚌
👨🏻🍳將橙色既烏魚子係鐵板炒至粒粒乾身脆卜卜，再將象拔蚌炒香上碟，最後撒上烏魚子！
象拔蚌炒既時候冇加調料，主要係用烏魚子既鹹香提味！鹹鹹地既烏魚子為象拔蚌畫龍點晴，令象拔蚌又鮮又爽口！
.
4️⃣香煎北海道帶子配柚子胡椒
帶子輕輕煎到金黃色，由於食材已經好新鮮，所以只略加少少鹽調味，務求食到原汁原味既鮮甜😮👨🏻🍳仲配左柚子胡椒，蘸左柚子胡椒既帶子微微少許辛辣，但又唔會搶走帶子既鮮甜😄
.
5️⃣燜焗金目鯛配南瓜汁🐟
金目鯛魚皮連鱗炸得酥脆，魚肉就冇炸，係焗熟既，所以魚肉極滑同細嫩，而且好鮮甜，配以濃郁既南瓜汁，為清淡既魚肉提味💋
.
食緊既同時，👨🏻🍳叫我地慢慢食，佢去準備下一道菜，轉頭見到師傅係魚缸捉左兩隻巨型鮑魚，Oh my God😲😲
.
6️⃣煎活北海道鮑魚
煎到鮑魚岩岩熟，不加任何調料，切片上碟，再將鮑魚既內臟煮成醬，可以就咁食或者蘸醬食都得👅
.
因為鮑魚新鮮同帶有海水味，所以唔加任何調料都已經微鹹！唔怕食內臟既可以蘸埋醬食，更加鮮味💋
.
7️⃣牛油龍蝦膏炒龍蝦🦞
大大隻龍蝦係你面前起肉，再將龍蝦頭入面既膏加牛油去拌炒。龍蝦肉本來已十分爽口，再加埋牛油及龍蝦膏，香味更撲鼻👅💦
.
8️⃣鵝肝多士配蘋果醋
煎香既鵝肝放係烘得脆身既多士上，再加上一抹蘋果醋去中和番鵝肝的油膩感，恰到好處‼️
.
伴碟既霜凍士多啤梨🍓，口感已經變成沙冰，作為解膩既伴碟真係令人眼前一亮🤩
.
9️⃣沙糖多士🍞
用黎過一過渡，清清味蕾。只係好普通既粗粒沙糖同方包，經過師傅既巧手加一加工，即刻變得又甜又脆口🤓
.
📣如果黎記得提早book,因為店一次只可招待六組客人，而且一餐飯都要起碼兩個鐘😝
.
.
📍吟 (元朗)
元朗安興街4號地舖
.
.
.
#food #foodporn #hkblogger #foodphotography #foodie #foodstagram #hkfoodieblogger #hkfoodpic #hkfoodlover #hkfoodie #hkfoodblog #foodshare #hkfood #香港美食 #欣欣的成波之路 #旺角 #元朗美食 #yuenlongfood #yuenlong #omakase #teppanyaki #鐵板燒 #foodlover #likeforlikes #likeforfollow #like4like
@ 吟鐵板燒日本料理和酒
Search